फिनल्यान्डको राजधानी हेलसिन्कीले सन् २०२४ मा सडक दुर्घटनामा एक जना पनि ज्यान नगुमाउने अद्भुत उपलब्धि हासिल गर्यो। स्थानीय सरकारले गति सीमा घटाउने, सडकमा स्पीड क्यामेरा जडान गर्ने, सडकलाई पैदल यात्री र साइकलका लागि सुरक्षित बनाउने काम गरेका थिए।
यो सफलताले विश्वभरि ध्यान खिच्यो र नेपाल जस्ता मुलुकका लागि पनि ठूलो प्रेरणा बन्न सक्छ।
नेपालमा भने हरेक वर्ष हजारौं मानिस सडक दुर्घटनामा मर्छन्। नेपाल प्रहरीको तथ्यांक अनुसार गत वर्ष मात्र करिब २५ सय जना सडक दुर्घटनामा ज्यान गुमाए। तीमध्ये धेरै दुर्घटनाको कारण तेज गति, मदिरा सेवन गरेर गाडी चलाउनु, सडकको खराब अवस्था र ट्राफिक नियम नमान्नु हो।
विशेषज्ञहरू भन्छन्, हेलसिन्कीले देखाएको उपायहरू नेपालमा लागू गरे नेपालमा सडक दुर्घटना र मृत्यु निकै घटाउन सकिन्छ।
तसर्थ, नेपालले पनि शहरी क्षेत्रमा गति सीमा ३० किलोमिटर प्रति घन्टा राख्ने, दुर्घटनाप्रवण ठाउँमा स्पीड क्यामेरा र ब्रेकर राख्ने, साइकल र पैदल मार्ग विस्तार गर्ने, र ट्राफिक नियमलाई कडाइका साथ लागू गर्ने काम गर्नुपर्ने हुन्छ।
सडक सुरक्षा प्रति जनचेतना बढाउन शिक्षा प्रणालीमा ट्राफिक नियम समावेश गर्नु र नियमित सचेतना अभियान सञ्चालन गर्नु पनि जरुरी छ।
