“पेशा केवल जीविकोपार्जनको साधन होइन, समाजप्रति उत्तरदायित्वको समर्पण हो।”
यस भनाइलाई जीवन्त उदाहरण बनाउनु भएका व्यक्तित्व हुन् — डाक्टर कपिल गौतम।
अर्घाखाँची जिल्ला अस्पतालका पूर्वप्रमुख, वीर अस्पताल काठमाडौं हुँदै हाल लुम्बिनी प्रादेशिक अस्पतालमा कार्यरत बरिष्ठ फिजिसियन डा. गौतम चिकित्सा क्षेत्रका अनुभवी विज्ञ मात्र नभई एक संवेदनशील समाजसेवी समेत हुनुहुन्छ।
डाक्टर गौतमले आफ्नो चिकित्सा पेशालाई सधैं मानवता र सेवा भावसँग जोड्नु भएको छ। उहाँको विचारमा गरिब, दिनदुखी, विपन्न वर्गका लागि उपचार एक अधिकार हो, व्यापार होइन। यसैले त बिरामीसँग पैसा भन्दा पहिले सहानुभूति दिनु पर्ने उहाँको प्राथमिकता हो।
डाक्टर गौतम अस्पतालको चौकटीमा मात्रै सीमित नभई, विपद्, दुर्घटना वा आपतबेलामा पनि सधैं अग्रपंक्तिमा देखिनुहुन्छ। चाहे स्वास्थ्य शिविर होस्, रक्तदान कार्यक्रम होस् वा ग्रामीण बस्तीमा निःशुल्क सेवा — उहाँ जहाँ जरुरतमन्द हुन्छन्, त्यही पुग्नुहुन्छ।
हिजो मात्रै लुम्बिनी प्रादेशिक अस्पताल अगाडि मोटरसाइकल दुर्घटना भयो”सबै जना हेरेर बसे, तर कपिल सर दौडिनुभयो। न त शरीर झम्टाउन हिच्किचाउनु भयो, न त फोहोर लाग्ने डर। उहाँको छुवासँगै घाइतेमा जीवनको आसा फर्किएको महसुस भयो।”
समाज यस्ता सेवाभावी व्यक्तित्वहरूमाथि गर्व गर्छ। डा. कपिल गौतमजस्ता कर्मठ, मानवतावादी, र समाजमुखी पेशेवरहरूको उदाहरण आजको पुस्ताले पछ्याउन जरुरी छ।
पैसाभन्दा माथि सेवा,
प्रतिष्ठाभन्दा माथि संवेदना,
र डिग्रीभन्दा माथि मानवीयता —
यिनै गुण हुन् डाक्टर कपिल गौतमका पहिचान।
🙏 उहाँजस्ता सेवाभावी व्यक्तित्वलाई सलाम!
– समाजका सच्चा हिरोहरूलाई सम्मान गरौं।
