🧬 अब क्यान्सर पहिल्यै थाहा पाइने! जोन्स हप्किन्सका वैज्ञानिकद्वारा ऐतिहासिक खोज

अमेरिकाको प्रतिष्ठित जोन्स हप्किन्स विश्वविद्यालयका वैज्ञानिकहरूले यस्तो अत्याधुनिक रक्त परीक्षण (blood test) विकास गरेका छन्, जसले क्यान्सरको संकेत लक्षण देखिनु भन्दा तीन वर्षअगावै थाहा दिन सक्छ। यसलाई Multicancer Early Detection (MCED) भनिन्छ।

यो परीक्षणले रगतमा सानो मात्रामा रहेको क्यान्सर डीएनए (Cancer DNA) पत्ता लगाउने क्षमता राख्छ— जुन हालको पारम्परिक स्क्रिनिङ प्रविधिले चाँडै पत्ता लगाउन सक्दैन। वैज्ञानिकहरूले यस परीक्षणलाई मुटु स्वास्थ्यसम्बन्धी एउटा अध्ययनमा सहभागी व्यक्तिहरूमा प्रयोग गरेका थिए। तीमध्ये आधा मानिसहरू ६ महिनाभित्र क्यान्सरबाट पीडित भएका थिए। परीक्षणले तिनैमध्ये आठ जनामा क्यान्सरको संकेत देखाइसकेको थियो— उनीहरूलाई वास्तविक रूपमा क्यान्सर भएको पुष्टि हुनु महिनौं अघिनै

अझ चकित पार्ने कुरा के छ भने, ती आठमध्ये ६ जनाका पुराना रगतका नमुनाहरू (stored blood samples) जाँच गर्दा ४ जनामा तीन वर्षअगावै क्यान्सर डीएनए पत्ता लागिसकेको थियो। त्यो समयमा उनीहरू पूर्णतः सामान्य थिए। यस खोजले देखाउँछ कि क्यान्सर प्रारम्भिक अवस्थामा थाहा पाउन सकिएमा, उपचार सजिलो र सफल हुने सम्भावना अत्यधिक हुन्छ।

“यदि हामी क्यान्सरलाई तीन वर्ष अगाडि नै पत्ता लगाउन सक्यौं भने, त्यो बिरामीको जीवनरक्षा गर्न सक्ने क्रान्तिकारी परिवर्तन हुन सक्छ।”

यद्यपि यो प्रविधि अझै सबैमा उपलब्ध हुने अवस्थामा पुगेको छैन। परीक्षण सकारात्मक आएपछि के गर्ने भन्ने निर्णयमा पनि अझ छलफल आवश्यक छ। तर विज्ञहरू भन्छन् — भविष्यमा यस्ता रक्त परीक्षणहरू मेमोग्राम (स्तन क्यान्सर स्क्रिनिङ) वा कोलोनोस्कोपी (पेटको क्यान्सर स्क्रिनिङ) जस्ता परीक्षणहरूसँग मिलेर काम गर्न सक्छन्, जसले मानिसको जीवनरक्षा गर्ने सम्भावनालाई झन बलियो बनाउनेछ।